25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Եղիսաբեթ II-ի առողջական վիճակը կտրուկ վատթարացել է
Քաղաքականություն
08.09.2022 | 18:06
Բժիշկները մտահոգված են Մեծ Բրիտանիայի թագուհի Եղիսաբեթ II-ի առողջական վիճակով, ասվում է Բուքինգհեմյան պալատի պաշտոնական հաղորդագրության մեջ։Առաջիկայում թագուհին կլինի բժիշկների հատուկ հսկողության տակ։ Գահաժառանգ արքայազն Չարլզը կնոջ՝ Կորնուոլի դքսուհի Կամիլայի հետ, ինչպես նաև արքայազն Ուիլյամը և Յորքի դուքս արքայազն Էնդրյուն այժմ ուղևորվում են Շոտլանդիայի Բալմորալ ամրոց, որտեղ գտնվում է թագուհին, գրում է BBC-ն։
Մեծ Բրիտանիայի վարչապետ Լիզ Թրասը, որը նախօրեին հանդիպել էր թագուհուն, ասել է, որ բոլոր բրիտանացիների մտքերն այժմ Էլիզաբեթ Երկրորդի և նրա ընտանիքի հետ են։
Թագավորական ընտանիքի մասին գրող թղթակիցները մտահոգիչ են անվանում այն փաստը, որ Բուքինգհեմյան պալատը հրապարակել է Եղիսաբեթ II-ի առողջական վիճակի մասին տեղեկությունը։
96-ամյա Եղիսաբեթ II-ը վերջին ամիսներին պարբերաբար հրաժարվում է տարբեր միջոցառումներին մասնակցությունից՝ առողջական պատճառներով։ Նա չի մասնակցել նաև հունիսի սկզբին իր գահակալության 70-ամյակի տոնակատարություններին։
Տաթև Ֆռանգյան
