30.04.2026 | 15:10
ՀՀ-ն հետընթաց է ապրել մամուլի ազատության ինդեքսում // Փաշինյանը՝ գերիների վերադարձի մասին․ ԼՈՒՐԵՐ
Արցախի նախագահն ընդունել է Ռուբեն Վարդանյանին․ քննարկվել են համագործակցության հեռանկարները
Քաղաքականություն
08.09.2022 | 12:14
Արցախի Հանրապետության նախագահ Արայիկ Հարությունյանը սեպտեմբերի 8-ին ընդունել է բարերար Ռուբեն Վարդանյանին։ Հայտնում է Արցախի նախագահի մամուլի ծառայությունը։
«Երկրի ղեկավարը ողջունել է Ռուբեն Վարդանյանի՝ Արցախ տեղափոխվելու և Արցախի անվտանգության ապահովման ու զարգացման գործում անմիջական մասնակցություն ունենալու որոշումը՝ հույս հայտնելով, որ այն օրինակ կծառայի աշխարհասփյուռ շատ հայերի համար։
Հանդիպման ընթացքում քննարկվել են համագործակցության հեռանկարները»,- ասված է հաղորդագրության մեջ։
Հիշեցնենք՝ Ռուբեն Վարդանյանը սեպտեմբերի 1-ին ուղերձ էր հրապարակել՝ հայտարարելով Արցախ տեղափոխվելու, անվտանգության և զարգացման ճակատի ստեղծման ու Ռուսաստանի քաղաքացիությունից հրաժարվելու մասին։ Հաղորդագրության մեջ ասված է․ «Ռուբեն Վարդանյանը հայտարարել է Արցախ տեղափոխվելու և Արցախի անվտանգության և զարգացման ճակատ ստեղծելու որոշման մասին։ Նա ողջ աշխարհի հայությանը կոչ է արել միանալու հանուն Արցախի պայքարին, քանի որ Արցախը համարում է «հայության արմատներն ու հիմքը»։ «Մեզ՝ հայերիս համար հասել է գոյաբանական Սարդարապատի պահը։ Այն չենք զգում, ինչպես չենք զգում ճառագայթումը: Բայց եթե բոլորս միասին ուս ուսի չտանք, կկորցնենք այն, ինչ մեր հենարանն է», – ասել էր Ռ. Վարդանյանը։
