Քաղաքականություն
08.09.2022 | 10:45
Պենտագոնի ղեկավար Լլոյդ Օսթինը կհայտարարի Ուկրաինային ռազմական օգնության հերթական փաթեթի տրամադրման մասին։ Նա համապատասխան հայտարարությունը կանի հինգշաբթի օրը՝ սեպտեմբերի 8-ին, ասել է ԱՄՆ պաշտպանության փոխնախարարի քաղաքական հարցերով տեղակալ Քոլին Քոուլը։ Այս մասին հայտնում է C-SPAN-ը։
«Defense News» շաբաթաթերթի կողմից կազմակերպված ամենամյա համաժողովում ԱՄՆ պաշտպանության փոխնախարարին հարցրել են՝ արդյոք ԱՄՆ-ը կհայտարարի՞ ռազմական օգնության նոր փաթեթի մասին, որին նա դրական է պատասխանել:
«Այո, կարծում եմ նախարար Օսթինը կհայտարարի այդ մասին», – պատասխանել է Քոլը։
Պաշտոնյայի խոսքով՝ Օսթինը հայտարարությունը կանի Գերմանիայում՝ Ռամշտայնի ձևաչափով Ուկրաինայի ռազմական աջակցության համակարգող խմբի նիստում։ Նա հավելել է, որ փաթեթը, մասնավորապես, կներառի լրացուցիչ զինամթերք HIMARS բազմակի հրթիռային համակարգերի համար։
Հիշեցնենք, որ ավելի վաղ հաղորդվում էր, որ Լիտվայից 105 մմ տրամաչափի հաուբիցներ են ուղարկվել Ուկրաինա։ Լիտվայի պաշտպանության նախարարությունը նշել է, որ Ուկրաինային սպառազինությունների շարունակական մատակարարումներ են անհրաժեշտ, ուստի «չի կարելի դադար տալ»։
Տաթև Ֆռանգյան
