05.11.2026 | 23:32
Հայաստան-Լիտվա համագործակցություն․ Վահան Կոստանյանը աշխատանքային այցով մեկնել է Վիլնյուս
Լատվիայում Բալթիկ ծովի հատակին ինքնաթիռի բեկորներ են հայտնաբերվել
Քաղաքականություն
07.09.2022 | 21:51
Լատվիացի փրկարարները, ենթադրաբար, Cessna ինքնաթիռի բեկորներն են հայտնաբերել Բալթիկ ծովի հատակին։ Այս մասին հայտնում է LSM պորտալը՝ վկայակոչելով ծովային որոնողափրկարարական համակարգման կենտրոնի ղեկավար Պետրիս Սուբբոտին, գրում է ՌԻԱ Նովոստին:
Ավելի վաղ Bild թերթը, հղում անելով սեփական աղբյուրներին, հայտնել էր, որ Իսպանիայից Քյոլն ուղևորվող Cessna փոքր ինքնաթիռն ընկել է Բալթիկ ծովը՝ Վենտսպիլսի մոտ։ Պարբերականի տեղեկություններով՝ ինքնաթիռում եղել է չորս մարդ, իսկ օդ բարձրացած Իսպանիայի ու Ֆրանսիայի կործանիչների օդաչուները ինքնաթիռում ոչ ոքի չեն կարողացել հայտնաբերել։
Իսպանական լրատվամիջոցների հաղորդմամբ՝ ինքնաթիռում եղել է օդային տաքսիների և բժշկական ինքնաթիռների Quick Air ընկերության սեփականատեր Կառլ-Պիտեր Գրիզեմանը՝ ընտանիքի հետ։ Սուբբոտի խոսքով՝ լատվիացի փրկարարները հայտնաբերել են, ենթադրաբար, մարդկային մնացորդներ, դրանք հանձնվել են փորձաքննության։
Տաթև Ֆռանգյան
