27.02.2026 | 18:02
Արթուր Վանեցյանը չի մասնակցի ընտրություններին // ՌԴ-ն ու Ուկրաինան համաձայնել են տեղային հրադադարի․ ԼՈՒՐԵՐ
ԵՄ-ն նշել է Ուկրաինային օգնության երկրորդ տրանշի չափը
Քաղաքականություն
07.09.2022 | 17:01
Եվրահանձնաժողովն առաջարկել է Ուկրաինային հատկացնել մակրոֆինանսական օգնության երկրորդ տրանշը՝ 5 միլիարդ եվրոյի չափով։ Այս մասին Twitter-ում հայտնել է ԵՀ նախագահ Ուրսուլա ֆոն դեր Լեյենը։
«Ուկրաինայում ստեղծված իրավիճակը պահանջում է մեր լիակատար աջակցությունը։ Այսօր Եվրահանձնաժողովը երկրին առաջարկում է լրացուցիչ 5 միլիարդ եվրոյի մակրոֆինանսական օգնություն»,- գրել է նա։
Ֆոն դեր Լեյենը մանրամասնել է, որ այդ միջոցները հատկացվում են՝ «ի լրումն ԵՄ-ի կողմից արդեն իսկ տրամադրված 10 միլիարդ եվրոյի ֆինանսական, հումանիտար և ռազմական օգնության»։
Սա կլինի ԵՄ-ի 9 մլրդ եվրոյի մակրոֆինանսական օգնության տրանշը, որից Ուկրաինան օգոստոսին ստացել է առաջին միլիարդը։
Տաթև Ֆռանգյան
