01.05.2024 | 23:37
Աստվածաշունչն ասում է՝ ամենայն իշխանություն Աստծուց է. Փաշինյան. ՏԵՍԱՆՅՈՒԹ
ՄԱԿ-ի Գլխավոր վեհաժողովի շրջանակում Հայաստանի և Ադրբեջանի ներկայացուցիչների հանդիպո՞ւմ է նախատեսվում․ մանրամասեր Դոնֆրիդ-Բայրամով հեռախոսազրույցից
Քաղաքականություն
07.09.2022 | 15:35
Ադրբեջանական «Թուրան» գործակալությւոնը մանրամասներ է հայտնել սեպտեմբերի 6-ին ԱՄՆ պետքարտուղարի Եվրոպայի ու Եվրասիայի հարցերով տեղակալ Քերըն Դոնֆրիդի և Ադրբեջանի ԱԳ նախարար Ջեյհուն Բայրամովի հեռախոսազրույցից։ Մասնավորապես, ԱՄՆ Պետքարտուղարության ներկայացուցիչը լրատվամիջոցին ասել է, որ զրույցի ընթացքում քննարկվել է օգոստոսի 31-ին Բրյուսելում տեղի ունեցած հանդիպումը։
«Պետքարտուղարի տեղակալն ընդգծել է մեր վճռական աջակցությունը Ադրբեջանի և Հայաստանի միջև խաղաղության գործընթացին և Եվրամիության ջանքերին»,- ասել է պաշտոնյան։
Դոնֆրիդը Բայրամովին ասել է, որ Կովկասյան բանակցությունների գծով ավագ խորհրդական, դեսպան Ֆիլիպ Ռիքերը շուտով մեկնելու է տարածաշրջան՝ խորհրդակցությունների համար: Հավելենք, որ Ռիքերը նաև ԵԱՀԿ Մինսկի խմբի ԱՄՆ նորանշանակ համանախագահն է։
«Նրանք անդրադարձել են Նյու Յորքում ՄԱԿ-ի Գլխավոր վեհաժողովի շրջանակում առաջիկա նիստին՝ որպես խաղաղության գործընթացի առաջ մղման հնարավորություն»,- ասել է ԱՄՆ պաշտոնյան։
Հավելենք, որ հաջորդ շաբաթ բացվելու է ՄԱԿ-ի ԳԱ-ի 77-րդ նստաշրջանը։ Բարձր մակարդակով ընդհանուր բանավեճի առաջին օրը տեղի կունենա սեպտեմբերի 20-ին։
Էմմա Չոբանյան
