16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Բալթյան երկրները զգալիորեն կսահմանափակեն ռուսաստանցիների մուտքը
Քաղաքականություն
07.09.2022 | 14:49
Լիտվան, Լատվիան և Էստոնիան պայմանավորվել են շենգենյան վիզա ունեցող Ռուսաստանի քաղաքացիների կողմից սահմանի հատման էական սահմանափակման շուրջ։ Այս մասին սեպտեմբերի 7-ին Twitter-ում հայտնել է Լատվիայի ԱԳ նախարար Էդգար Ռինկեւիչը, գրում է korrespondent-ը։
«Բալթյան երկրները համաձայնության են եկել Շենգենյան վիզա ունեցող Ռուսաստանի Դաշնության քաղաքացիների կողմից սահմանի հատման էական սահմանափակման մասին՝ որոշ բացառություններով»,- գրել է նա։
Նախարարի խոսքով՝ որոշումները կընդունվեն ազգային կառավարությունների կողմից՝ ազգային ընթացակարգերին համապատասխան, և ուժի մեջ կմտնեն միաժամանակ։
Ըստ ԶԼՄ-ների՝ սահմանափակումներից բացառություններ են արվելու բեռնատարների, դիվանագետների, ինչպես նաև մարդասիրական և ընտանեկան նկատառումներով սահմանը հատողների համար։
Միաժամանակ, Ֆինլանդիայի ԱԳՆ-ն հայտնել է, որ իրենք չեն սահմանափակի ռուս զբոսաշրջիկների մուտքն այնքան ժամանակ, քանի դեռ Եվրահանձնաժողովը համապատասխան որոշում չի կայացրել։
Հիշեցնենք, որ ԵՄ-ում երկար քննարկումներից հետո համաձայնության չեկան ամբողջությամբ արգելել ռուսաստանցիների մուտքը միության անդամ երկրներ և պայմանավորվեցին պարզեցված վիզային ռեժիմի վերացման շուրջ։
Տաթև Ֆռանգյան
