24.03.2026 | 20:12
Պակիստանը հայտարարել է, որ պատրաստ է հյուրընկալել ԱՄՆ-ի և Իրանի միջև բանակցությունները
Ուրմիա լիճը կարող է ամբողջությամբ ցամաքել
06.09.2022 | 23:10
Իրանի ամենամեծ Ուրմիա լիճը ցամաքելու վտանգի տակ է տարածաշրջանում կլիմայի փոփոխության պատճառով. հայտնում է Al Arabiya-ն, փոխանցում է 1lurer.am-ը։
«Եթե լիճը փրկելու համար հաստատված ծրագրերն ամբողջությամբ չկատարվեն, այն կցամաքի, և դրա վերականգնման հույս չի մնա»,- Al Arabiya-ն մեջբերում է շրջակա միջավայրի նախարարության ջրային տարածքների բաժնի ղեկավար Արեզու Աշրաֆիզադեի խոսքերը։ Ըստ պաշտոնյայի՝ անհրաժեշտ է դադարեցնել լիճ մտնող գետերի վրա ամբարտակների կառուցումը և իրականացնել լճի փրկության ծրագիրը: Նա նաև նշել է, որ այս տարի ցամաքելու վտանգն առավել ահագնացած է՝ գետերի սակավաջրության և գյուղատնտեսության կարիքների համար ջրերի գերօգտագործման պատճառով:
Լիճը գտնվում է Իրանի հյուսիսարևմտյան շրջանի լեռներում՝ Թուրքիայի սահմանի մոտ։ Համաձայն ՄԱԿ-ի կոնվենցիայի՝ այն համարվում է միջազգային նշանակության օբյեկտ։
