13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Էրդողանը կրկին սպառնացել է Հունաստանին․ «Պատասխանը կարող է լինել ցանկացած գիշեր»
Քաղաքականություն
06.09.2022 | 22:48
Թուրքիայի նախագահ Ռեջեփ Թայիփ Էրդողանը կրկին սպառնացել է Հունաստանին։ Էրդողանը Սարաևոյում Բոսնիա և Հերցեգովինայի նախագահության անդամների հետ համատեղ մամուլի ասուլիսում անդրադարձել է Հունաստանին, հաղորդում է «Անադոլու» գործակալությունը։
«Հունաստանը կզղիներում ռազմաբազաներ է տեղակայել։ Եթե Թուրքիայի հասցեին սպառնալիքները շարունակվեն, ապա Անկարայի համբերությունը կարող է հատել։ Իմ զգուշացումները Հունաստանին ինչ-որ մտացածին հայտարարություններ չեն։ Թուրքիայի պատասխանը կարող է հետևել ցանկացած պահի, ցանկացած գիշեր»,- ասել է Էրդողանը։
Հավելենք, որ վերջին շրջանում Էրդողանն ու Թուրքիայի տարբեր պաշտոնյաներ պարբերաբար սպառնում են Հունաստանին։ Մասնավորապես, օրերս էլ Էրդողանն Աթենքին կոչ էր արել հիշել պատմությունն ու դասեր քաղել՝ նշելով, որ մեկ գիշերվա ընթացքում թուրքական ուժերը կարող են ներխուժել Հունաստան։
«Մենք միայն մի բառ ունենք ասելու Հունաստանին՝ մի՛ մոռացեք Իզմիրը (Զմյուռնիան)»,- ասել էր Էրդողանը՝ հիշեցնելով 1922-ին տեղի ունեցած Զմյուռնիայի աղետը՝ տեղի հույն և հայ բնակչության կոտորածը թուրքական զորքերի կողմից։
Էմմա Չոբանյան
