16.09.2026 | 20:19
Անկախության տոնի առթիվ Երևանում նախատեսվում են երթևեկության սահմանափակումներ
Թուրքիան բարեկամ երկիր է․ Պեսկովը հայտարարել է, որ տարաձայնությունները չեն խանգարում Թուրքիայի և ՌԴ-ի համագործակցությանը
Քաղաքականություն
06.09.2022 | 16:18
ՌԴ նախագահի մամուլի խոսնակ Դմիտրի Պեսկովը հայտարարել է, որ Թուրքիան և Ռուսաստանն ունեն տարաձայնություններ, այդ թվում՝ Ուկրաինայի հարցով, սակայն դա չի խանգարում երկու երկրների համագործակցությանը, գրում է ՌԻԱ Նովոստին։
«Թուրքիան մեզ համար բարեկամ երկիր է, մեր կարևոր գործընկերն է՝ ինչպես քաղաքական, այնպես էլ առևտրատնտեսական համագործակցության առումով։ Թուրքիան չի միացել հակառուսական անօրինական պատժամիջոցներին, վարում է ինքնուրույն արտաքին քաղաքականություն։ Դա մեզ հնարավորություն է տալիս շարունակել մեր փոխգործակցությունը, ներուժը հսկայական է և հեռու է բացահայտվելուց»,- ասել է Պեսկովը «Իզվեստիայի» հետ հարցազրույցում։
Նա նաև նշել է, որ վիճելի հարցեր ևս կան։
«Մենք տարաձայնություններ ունենք տարբեր հարցերի շուրջ, Ուկրաինան դրանցից մեկն է»,- ասել է նա՝ հավելելով, որ Ռուսաստանը շարունակում է իր փաստարկները ներկայացնել թուրք գործընկերներին։
Էմմա Չոբանյան
