05.11.2026 | 16:13
Էրդողանը հայտարարել է, որ դեռ վաղ է գնահատել ԱՄՆ միջանկյալ ընտրությունների ազդեցությունը թուրք-ամերիկյան հարաբերությունների վրա
Թուրքիան իր աջակցությունը վայելող Սիրիայի ընդդիմադիր զինյալներին ամսական 500 դոլար աշխատավարձ է վճարում
Քաղաքականություն
05.09.2022 | 23:30
Թուրքիան Սիրիայի ազգային բանակի զինյալներին ամսական 500 դոլար աշխատավարձ է տալիս։ Թուրքական լրատվականների հաղորդմամբ՝ այս մասին հայտնել է լրագրող, Թուրքիայի խորհրդարանաի նախկին անդամ Մութտաֆա Բալբայը։
Թուրքիայի կողմից աջակցվող զինյալները նախորդ ամիս բողոքել են աշխատավարձից՝ նշելով, որ դրանից գոհ չեն։
Նախկինում որպես Սիրիայի ազատ բանակ հայտնի SNA-ն բաղկացած է ավելի քան 35 ընդդիմադիր խմբավորումներից, որոնք հիմնականում գործում են Սիրիայի հյուսիսում: Այս խմբերը մասնակցել են Թուրքիայի ռազմական հարձակումներին Սիրիայում՝ «Եփրատի վահան», «Ձիթենու ճյուղ» և «Խաղաղության աղբյուր» գործողություններին, համապատասխանաբար, 2017, 2018 և 2019 թվականներին: Թուրքիան օգտագործում է SNA-ն տեղում քրդական ուժերի՝ YPG-ի դեմ, որը գլխավորում է Սիրիայի դեմոկրատական ուժերը (SDF)։ Այս խմբավորումներին Անկարան համարում է գոյության սպառնալիք՝ կապված Թուրքիայի քուրդ ապստամբների հետ իրենց կապերի հետ:
«Ներկայում Թուրքիայի Հանրապետությունը SNA-ի անդամներին ամսական 500 դոլար աշխատավարձ է տրամադրում»,-ասել է ընդդիմադիր Ժողովրդահանրապետական կուսակցության նախկին պատգամավոր Բալբայը։
SNA-ին մեղադրում են թուրքական հարձակումների ժամանակ նաև ռազմական հանցագործություններ կատարելու մեջ, քանի որ մի քանի զեկույցներ ցույց են տալիս, որ նրանք թալանել են բնակիչների տներն ու խանութները, առևանգել և խոշտանգել խաղաղ բնակիչներին՝ նախկինում քրդերի կողմից վերահսկվող Աֆրինի վրա Թուրքիայի հարձակման ժամանակ:
Էմմա Չոբանյան
