06.11.2024 | 12:50
Դեսպան Լիլիթ Մակունցն ընտրությունների օրն այցելել է Վաշինգտոնի և Վիրջինիա նահանգի ընտրատեղամասեր
Ռուսաստանն Ուկրաինայի հարավում անօդաչու սարքերի հետ կապված խնդիրներ ունի. բրիտանական ռազմական հետախուզություն
Քաղաքականություն
06.09.2022 | 12:34
Միացյալ Թագավորության պաշտպանության նախարարությունը ռազմական հետախուզության զեկույցում, վերլուծելով ուկրաինական հակահարձակումը Խերսոնի շրջանում, ուշադրություն է հրավիրում անօդաչու սարքերի խնդրի վրա, որն ունի Ռուսաստանը, փոխանցում է BBC-ի ռուսական ծառայությունը։
Հղում անելով The Odessa Journal-ի Twitter-ի էջին՝ զեկույցի հեղինակները գրում են, որ հանգստյան օրերին Դնեպրի արևմտյան ափով ռուսական անօդաչու թռչող սարքերի (ԱԹՍ) ընդամենը 27 թռիչք է գրանցվել, այն դեպքում, երբ օոգոստոսին օրական միջինը 50 թռիչք էր գրանցվում:
Օգոստոսի 21-ին ուկրաինական ուժերը հայտնել են մեկ օրում ռուսական «Օռլան-10» մարտավարական երեք անօդաչու թռչող սարքեր խոցելու մասին։
Վերջին տարիներին ռուսական ռազմական դոկտրինն ավելի ու ավելի կարևոր դեր է հատկացրել անօդաչու թռչող սարքերին, մասնավորապես՝ հրետանային համակարգերը հայտնաբերելու և խոցելու համար: Հաշվի առնելով մարտական կորուստների ծավալը՝ հավանական է, որ Ռուսաստանը փորձում է խնայել անօդաչու թռչող սարքերը, որոնց պակասը սրվել է միջազգային պատժամիջոցների հետևանքով:
Տաթև Ֆռանգյան
