20.11.2024 | 18:19
Ռուսական ինքնաթիռից 250 կգ-անոց ռումբն ընկել է ՌԴ Բելգորոդի շրջանի դպրոցի վրա
Մոսկվայում տեղի է ունեցել Միխայիլ Գորբաչովի հուղարկավորությունը
Քաղաքականություն
03.09.2022 | 18:35
Մոսկվայում՝ Միությունների տան Սյունազարդ դահլիճում, տեղի է ունեցել Միխայիլ Գորբաչովի՝ Խորհրդային Միության առաջին և վերջին նախագահի հրաժեշտի արարողությունը: Նա մահացել էր օգոստոսի 30-ի երեկոյան՝ 92 տարեկանում։
Հրաժեշտի արարողությունից հետո Գորբաչովին հուղարկավորել են Նովոդևիչյան գերեզմանատանը:
Ինչպես փոխանցում է BBC-ի ռուսական ծառայությունը՝ Միությունների տան մուտքի մոտ հազարավոև մարդիկ են հավաքվել նախքան հրաժեշտի արարողության մեկնարկը, հերթ է գոյացել։
Վլադիմիր Պուտինը հուղարկավորությանը չի մասնակցել՝ պատճառաբանելով աշխատանքային լարված գրաֆիկը, փոխարենը ծաղկեպսակ է ուղարկել։ Սեպտեմբերի 1-ին էլ ՌԴ նախագահն այցելել էր Կենտրոնական կլինիկական հիվանդանոց, որտեղ մահացել էր Միխայիլ Գորբաչովը։
Հուղարկավորությանը ժամանած միակ օտարերկրյա առաջնորդը եղել է Հունգարիայի վարչապետ Վիկտոր Օրբանը։ Ինչպես հաղորդում են ռուսական լրատվական գործակալությունները՝ Մոսկվա կատարած այցի ընթացքում նա մտադիր չէ հանդիպել Պուտինի հետ:
Տեսանյութը՝ Reuters-ի
