21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Գերմանիան հաստատել է անձնագրերի համար ՌԴ չիպերի մատակարարման դադարեցումը
Քաղաքականություն
31.08.2022 | 21:16
Ուկրաինայում պատերազմի սկսվելուց հետո գերմանական Infineon ՏՏ արտադրողը դադարեցրել է չիպերի մատակարարումը Ռուսաստան, որոնք օգտագործվում էին կենսաչափական անձնագրերի համար։ DW-ի հարցմանն ի պատասխան՝ տեղեկությունը հաստատել են ընկերության մամուլի ծառայությունից։
«Բոլոր ուղղակի և անուղղակի առաքումները (Ռուսաստանի Դաշնության կենսաչափական անձնագրերի պատրաստման համար անհրաժեշտ չիպեր) Infineon-ը դադարեցրել է դեռ փետրվարին: Այս տեղեկությունը ճիշտ է»,- ասել է ընկերության ներկայացուցիչ Դիանա Կաասերերը:
Մարտի սկզբին, հարևան պետություն ռուսական ներխուժման մեկնարկից անմիջապես հետո, գերմանական ՏՏ արտադրողը դադարեցրել է նաև իր արտադրանքի արտահանումը Բելառուս և որոշել լուծարել Ռուսաստանում իր տարածաշրջանային ներկայացուցչությունը։
«Մենք մեր համերաշխությունն ենք ցուցաբերում ուկրաինացիներին, որոնք անվախ կերպով պաշտպանում են իրենց ազատությունը, և հուսով ենք, որ բռնությունն ու վիշտը շուտով կվերջանան»,- ասվում է Infineon Technologies AG թվային փոխակերպման գրասենյակի ղեկավար Կոնստանցե Հուֆենբեչերի հայտարարության մեջ, որը տեղադրված է ընկերության կայքում։
Օգոստոսի 26-ին ՌԴ ԱԳ նախարարության հյուպատոսական վարչության կայքում հրապարակված կենսաչափական անձնագրերի տրամադրման դիմումները կասեցնելու մասին ՌԴ ԱԳՆ հաղորդագրությունը մեծ արձագանք է առաջացրել առաջին հերթին արտերկրում բնակվող ռուսների շրջանում։ Այդ ժամանակ մի շարք ռուսական և միջազգային լրատվամիջոցներ ենթադրեցին, որ նոր սերնդի անձնագրերի տրամադրման դիմումների ընդունման դադարեցումը պայմանավորված է Ռուսաստանում այդ փաստաթղթերի արտադրության համար անհրաժեշտ չիպերի պակասով։
Տաթև Ֆռանգյան
