08.06.2026 | 11:41
426 մլրդ դրամով բարձր ՀՆԱ. տնտեսական աճը գերազանցել է բյուջեի կանխատեսումները. Հովհաննիսյան․ ՏԵՍԱՆՅՈՒԹ
ՄԱԳԱՏԷ-ի առաքելությունը Կիևից մեկնել է Զապորոժիեի ԱԷԿ
Քաղաքականություն
31.08.2022 | 12:06
Ատոմային էներգիայի միջազգային գործակալության (ՄԱԳԱՏԷ) առաքելությունը Կիևից մեկնել է Զապորոժիեի ԱԷԿ: Այս մասին հայտարարել է ՄԱԳԱՏԷ-ի գլխավոր տնօրեն Մարիանո Գրոսին, հայտնում է Ukrinform-ը։
«Ինչպես գիտեք, մենք չափազանց կարևոր խնդիր ունենք՝ աշխատել ու դիտարկել այնտեղ տիրող իրական իրավիճակը, օգնել կայունացնել այն ինչքանով դա հնարավոր է»,- Կիևում ճեպազրույցի ժամանակ հայտարարել է նա։
Գրոսսին հավելել է, որ առաքելությունը նախատեսում է մի քանի օր անցկացնել կայանում, այդ թվում՝ զրուցել անձնակազմի հետ և զեկուցել ուղևորության արդյունքների մասին։ Կազմակերպությունը մտադիր է նաև մշտական ներկայացուցչություն հիմնել կայանում։
Բացի այդ, գլխավոր տնօրենը նշել է, որ ՄԱԳԱՏԷ-ի ներկայացուցիչներն առաջին անգամ ստիպված են աշխատել պատերազմական իրավիճակում։
«Մենք ուղևորվում ենք ռազմական գործողությունների գոտի, օկուպացված տարածքներ։ Դա պահանջում է անվտանգության հստակ երաշխիքներ ոչ միայն Ռուսաստանից, այլև Ուկրաինայից»։
ՄԱԳԱՏԷ-ի գլխավոր տնօրեն Ռաֆայել Գրոսին նախօրեին Կիևում հանդիպել է Ուկրաինայի նախագահ Վլադիմիր Զելենսկու հետ։
Տաթև Ֆռանգյան
