20.11.2024 | 17:17
Ովքեր են Ըմբշամարտի զինվորականների աշխարհի 37-րդ առաջնության եզրափակիչ դուրս եկած Հայաստանի հավաքականի մարզիկները
Վահագն Խաչատուրյանը շնորհավորական ուղերձ է հղել Ղազախստանի նախագահին
Քաղաքականություն
27.08.2022 | 19:41
Հանրապետության նախագահ Վահագն Խաչատուրյանը շնորհավորական ուղերձ է հղել Ղազախստանի Հանրապետության նախագահ Կասիմ-Ժոմարտ Տոկաևին՝ Հայաստանի Հանրապետության և Ղազախստանի Հանրապետության միջև դիվանագիտական հարաբերությունների հաստատման 30-ամյակի կապակցությամբ։
Նախագահ Խաչատուրյանի ուղերձում մասնավորապես ասվում է.
«Հայաստանի և Ղազախստանի ժողովուրդների հարաբերությունների դարավոր պատմության այս նշանակալից օրը խորհրդանշում է զարգացման որակապես նոր փուլ միջպետական համագործակցության համատեքստում, որը հիմնված է փոխադարձ հարգանքի և բարեկամության փառավոր ավանդույթների վրա։
Համոզված եմ, որ մեր երկրների իշխանության բոլոր թևերի, ինչպես նաև քաղաքացիական հասարակության և գործարար շրջանակների համատեղ ջանքերը հնարավորություն կտան իրագործել հայ-ղազախական համագործակցության ողջ ներուժը՝ հարստացնելով այն փոխշահավետ տնտեսական նախագծերով, ինչպես նաև նոր նախաձեռնություններով՝ մշակույթի և հումանիտար ոլորտներում»:
