06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
Զապորոժիեի ԱԷԿ-ը միացվել է էլեկտրական ցանցին․ «Էներգոատոմ»
Քաղաքականություն
26.08.2022 | 17:21
Զապորոժիեի ատոմակայանի վեց բլոկներից մեկը միացվել է ուկրաինական էլեկտրացանցին։ Korrespondent-ի փոխանցմամբ՝ այս մասին հայտնում է «Էներգոատոմը»։
«2022 թվականի օգոստոսի 26-ին ժամը 14:04-ին երեկ կանգնեցված Զապորոժիեի ԱԷԿ-ի էներգաբլոկներից մեկը միացվել է էլեկտրացանցին, հզորության կուտակումը շարունակվում է»,- ասված է հաղորդագրության մեջ։
Սարքավորումների և անվտանգության համակարգերի շահագործման վերաբերյալ մեկնաբանություններ չկան։
«Զապորոժիեի ԱԷԿ-ի միջուկային աշխատողներն իսկական հերոսներ են, նրանք անխոնջ և ամուր իրենց ուսերին են պահում Ուկրաինայի և ողջ Եվրոպայի միջուկային և ռադիացիոն անվտանգությունը և աշխատում են անձնուրաց, որպեսզի իրենց հայրենի երկիրը կյանք տվող էլեկտրաէներգիա ունենա»,- նշել են ընկերությունում։
Զապորոժիեի ԱԷԿ-ը նախօրեին պատմության մեջ առաջին անգամ ամբողջովին անջատվել էր էլեկտրացանցից:
Տաթև Ֆռանգյան
