03.03.2026 | 13:50
ՀՀԿ-ն փողոցային պայքար է սկսելու, քննարկելու ենք ձևաչափը. Հայկ Մամիջանյան․ ՏԵՍԱՆՅՈՒԹ
Արցախի Հանրապետության օրվա առիթով Արցախի ԱԺ բոլոր 5 խմբակցությունների նախաձեռնությամբ հանրային միջոցառումներ են կազմակերպվել
Քաղաքականություն
26.08.2022 | 13:58
Արցախի Հանրապետության օրվա առիթով Արցախի ԱԺ բոլոր 5 խմբակցությունների նախաձեռնությամբ սեպտեմբերի 2-ին հայտարարվում է հանրային միջոցառումների կազմակերպման մասին:Այս մասին տեղեկացնում է Արցախի Ազգային ժողովը։
Այդ օրը` ժամը 17:30-ին, Ստեփանակերտի Ազատության հրապարակից (Կոլցևոյ) բոլոր քաղաքացիներին և մայրաքաղաքի հյուրերին հրավիրում ենք քայլերթի, իսկ ժամը 19:00 -ին կենտրոնական՝ Վերածննդի հրապարակում տեղի կունենա հանրահավաք՝ նվիրված Արցախի Հանրապետության հռչակմանը:
Արցախի ժողովուրդը հավատարիմ է իր զավակների արյամբ հաստատված, հազարավոր նվիրյալների համառ աշխատանքով ու քրտինքով կերտված ինքնիշխան պետականությանը: Մասնակցելով երթ-հանրահավաքին, մենք միանում ենք ազատության համար շարունակվող պայքարին՝ աշխարհին ի ցույց դնելով մեր միասնականությունը և մեր իրավունքներին տեր կանգնելու կամքն ու վճռականությունը:
Անկախ Արցախը՝ հայկական Արցախ ունենալու հիմնական երաշխիքն է:
