16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Կալիֆոռնիայում 2035-ից կարգելվի բենզինով ու դիզելային վառելիքով նոր ավտոմեքենաների վաճառքը
Քաղաքականություն
26.08.2022 | 11:47
Կալիֆոռնիայի իշխանությունները լրջորեն են վերաբերվում ավտոմեքենաների արտանետումների խնդրին, և որոշել են 2035 թվականից նահանգում դադարեցնել բենզինային կամ դիզելային շարժիչներով նոր մեքենաների վաճառքը: Կալիֆոռնիայի մթնոլորտային ռեսուրսների խորհուրդը (CARB) համապատասխան որոշումը կայացրել է հինգշաբթի՝ օգոստոսի 25-ին, գրում է DW-ի ռուսական ծառայությունը։
«Կալիֆոռնիան ազգային և գլոբալ մակարդակներում ստանձնել է առաջամարտիկի դերը՝ հավակնոտ, բայց հասանելի նպատակներով»,- ասել է դեպարտամենտի ղեկավար Լիանի Ռանդոլֆը:
Դեռ 2020 թվականին ԱՄՆ ամենամեծ բնակչությունն ունեցող նահանագի՝ Կալիֆոռնիայի նահանգապետ Գևին Նյուսոմը հայտարարել էր ջերմոցային գազերի արտանետումները նվազեցնելու ծրագրի մասին, ըստ որի՝ բենզինով և դիզելային մեքենաներըն աստիճանաբար պետք է անհետանան Կալիֆոռնիայի փողոցներից։ Ակնկալվում է, որ մինչև 2026 թվականը էլեկտրական մեքենաներն ու հիբրիդները կկազմեն նոր ավտոմեքենաների վաճառքի ավելի քան մեկ երրորդը, իսկ մինչև 2030 թվականը՝ ավելի քան 65 տոկոսը:
Կալիֆոռնիան ԱՄՆ-ում նոր մեքենաների ամենամեծ շուկան է, և էլեկտրական մեքենաներն արդեն զգալի տեղ են գրավում այդ շուկայում: Միևնույն ժամանակ, ամերիկյան այս նահանգը օդի աղտոտվածության մակարդակով բավականին վատ վիճակում է, նաև հաճախակի տուժում է անտառային հրդեհներից: Ըստ նահանգապետի՝ Կալիֆոռնիայում ջերմոցային գազերի արտանետումների ավելի քան 50 տոկոսը բաժին է ընկնում տրանսպորտին: Ծրագրի արդյունքում տեղական իշխանությունները նպատակ ունեն հասնել արտանետումների շուրջ 35 տոկոս կրճատման:
Տաթև Ֆռանգյան
