16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիան պնդում է, որ հունական F-16-ները հետապնդել են թուրքական ինքնաթիռները ՆԱՏՕ-ի առաքելության ժամանակ
Քաղաքականություն
25.08.2022 | 18:23
ՆԱՏՕ-ի առաքելությունն իրականացնող թուրքական մարտական ինքնաթիռները հետապնդման են ենթարկվել հունական կործանիչների կողմից։ ՌԻԱ Նովոստիին այս մասին հայտնել է Թուրքիայի Պաշտպանության նախարարության աղբյուրը։
Աղբյուրի խոսքով՝ թուրքական կողմը ստիպված է եղել պատասխանել «անհրաժեշտ ձևով», իսկ հունական ինքնաթիռները լքել են տարածաշրջանը։
Վերջին ամիսներին Թուրքիան Հունաստանից պահանջում է դադարեցնել Արևելյան Էգեյան ծովի կղզիների ռազմականացումը: Արտգործնախարար Մևլութ Չավուշօղլուն հայտարարել է, որ Աթենքը խախտում է երկարամյա միջազգային պայմանագրերը և կասկածի տակ է դնում կղզիների ինքնիշխանությունը. Անկարան վճռական է վիճարկել այն, եթե խախտումները շարունակվեն։
Երկու երկրների հարաբերություններն ավելի վատթարացան ԱՄՆ Կոնգրեսում Հունաստանի վարչապետ Կիրիակոս Միցոտակիսի մայիսյան ելույթից հետո։ Այդ ժամանակ նա հայտարարեց հունական կղզիների վրայով թուրքական կործանիչների թռիչքների աննախադեպ թվի մասին և կոչ արեց չվաճառել F-16-ներ «նրանց, ովքեր խաթարում են կայունությունը Միջերկրական ծովում»։
Դրանից հետո Էրդողանը Միցոտակիսին մեղադրեց պայմանավորվածությունները խախտելու մեջ և հրաժարվեց նրա հետ առնչվել ապագայում։
Տաթև Ֆռանգյան
