24.03.2026 | 23:07
Գերմանիայում ձերբակալվել է երկու անձ ՌԴ-ի օգտին լրտեսության կասկածանքով
Բրյուսելում նախատեսված է Փաշինյանի, Ալիևի և Միշելի եռակողմ հանդիպումը
Քաղաքականություն
25.08.2022 | 13:30
Բրյուսելում օգոստոսի 31-ին նախատեսվում է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի եռակողմ հանդիպումը:
Այս մասին Factor.am-ին հայտնեցին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից: Վարչության պետ Արմեն Խաչատրյանը տեղեկացրեց, որ շարունակվելու են քննարկումներն այն օրակարգային հարցերի շուրջ, որոնց անդրադարձ է եղել նախորդ եռակողմ հանդիպմանը։
Հիշեցնենք, Հայաստանի և Ադրբեջանի ղեկավարների վերջին հանդիպումը տեղի էր ունեցել այս տարվա ապրիլի 22-ին դարձյալ Բրյուսելում։ ՀՀ կառավարության լրատվական ծառայությունից հայտնել էին, որ քննարկման արդյունքում պայմանավորվածություններ են ձեռք բերվել տարածաշրջանային կոմունիկացիաների բացմանն ուղղված աշխատանքների հետագա ընթացքի, սահմանների սահմանագծման ու անվտանգության հարցերով հանձնաժողովի աշխատանքների մեկնարկի վերաբերյալ: Քննարկման առարկա են դարձել նաև երկու երկրների միջև հարաբերությունների կարգավորման բանակցային գործընթացի նախապատրաստություններին, հումանիտար խնդիրներին, ինչպես նաեւ Լեռնային Ղարաբաղի հիմնախնդրի կարգավորմանը վերաբերող հարցեր: Հենց այդ օրն էլ պայմանավորվածություն է ձեռք բերվել հաջորդ եռակողմ հանդիպումն անցկացնել հուլիսին կամ օգոստոսին:
