Քաղաքականություն
23.08.2022 | 21:23
ԱՄՆ-ում շուրջ 6,4 միլիոն ակր (գրեթե 2,6 միլիոն հեկտար) գյուղատնտեսական հողատարածություններ չեն ցանվել եղանակային կատակլիզմների, այդ թվում հեղեղումների եւ երաշտի պատճառով: Այդ մասին, ինչպես տեղեկացնում Է «Արմենպրես»-ը», օգոստոսի 23-ին գրում Է Bloomberg գործակալությունը՝ վկայակոչելով ԱՄՆ-ի գյուղատնտեսության նախարարության՝ օգոստոսի հաշվետվությունը:
Մասնավորապես, Միացյալ Նահանգների գյուղատնտեսական ճյուղի ներկայացուցիչները չեն կարողացել ցանել ավելի քան 1,2 միլիոն հեկտար դաշտեր, որոնք նախատեսված են եգիպտացորենի աճեցման, եւ շուրջ 400 հազար հեկտար հողեր ցորենի աճեցման համար:
Գործակալության հաշվարկներով՝ չցանված հողատարածությունների ընդհանուր ծավալն այս պահին երեք անգամ գերազանցում Է անցյալ տարվա նույն ժամանակամիջոցի ցուցանիշը: Ինչպես նշում Է Bloomberg-ը, գյուղատնտեսության նախարարության նոր վիճակագրությունը հայտնվել Է հանգուցային պահի, երբ պետք Է հասկանալ, թե ԱՄՆ-ը կկարողանա արդյոք արտադրել բավականաչափ եգիպտացորեն եւ սոյա՝ աշխուժացնելու համար մատակարարումները, որոնք կրճատվել են բնական կատակլիզմների եւ Ուկրաինայի իրադրության ֆոնին, հաղորդել Է ՏԱՍՍ-ը:
