20.11.2024 | 18:11
Անկարան «Զանգեզուրի միջանցքը» Բաքվի հետ կարևոր տրանսպորտային նախագիծ է համարում, օդային տագնապ Կիևում․ ԼՈՒՐԵՐ
Հայաստանի և Ադրբեջանի սահմանի դելիմիտացիայի շուրջ հերթական հանդիպումը կկայանա օգոստոսի վերջին
Քաղաքականություն
23.08.2022 | 16:38
Օգոստոսի վերջին Մոսկվայում կկայանա Հայաստանի և Ադրբեջանի միջև սահմանազատման և սահմանային անվտանգության հարցերի հանձնաժողովների հերթական հանդիպումը։ Այս մասին հայտնեցին փոխվարչապետ Մհեր Գրիգորյանի գրասենյակից:
«Դեռևս հստակ օր որոշված չէ, չկա նաև ձևավորված օրակարգ», –Factor.am-ին ասաց փոխվարչապետ Մհեր Գրիգորյանի օգնական Անի Բաբայանը։
Հիշեցնենք՝ ՀՀ վարչապետ Նիկոլ Փաշինյանը որոշում էր ստորագրել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողով ստեղծելու մասին: Հայկական կողմից հանձնաժողովը ղեկավարում է Մհեր Գրիգորյանը, իսկ ադրբեջանականը` Շահին Մուստաֆաևը։
Սահմանների հարցերով հանձնաժողովների առաջին հանդիպումը տեղի է ունեցել մայիսի 24-ին` Երասխ բնակավայրի ուղղությամբ հայ-ադրբեջանական սահմանին: Կողմերը պայմանավորվել էին հաջորդիվ հանդիպում կազմակերպել Մոսկվայում, իսկ երրորդը` Բրյուսելում։ Factor.am-ի տեղեկություններով՝ կողմերը որոշել են Եվրոպայում կայանալիք հանդիպումից հետո մեկական հանդիպումներ էլ կազմակերպել Երևանում և Բաքվում։
