16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
ԱՄՆ-ը և ՌԴ-ն բարձր մակարդակով շարունակում են շփումներն ուկրաինական հարցի շուրջ
Քաղաքականություն
19.08.2022 | 20:19
Ռուսական կողմն ԱՄՆ-ի հետ «աշխատում է» Ուկրաինայում տիրող իրավիճակի շուրջ բարձր մակարդակով դեսպանատների միջոցով և հեռախոսային կապերի շրջանակում։ Այս մասին հայտարարել է ՌԴ փոխարտգործնախարար Սերգեյ Ռյաբկովը։ Նա նաև նշել է «ԱՄՆ-ի աճող ներգրավվածությունն Ուկրաինայում տեղի ունեցող իրադարձություններում», ինչը ԱՄՆ-ին կանգնեցնում է «հակամարտության կողմ դառնալու շեմին», փոխանցում է Ինտերֆաքսը։
«Ես կարող եմ հաստատել, որ մակարդակը, որով մենք շարունակում ենք աշխատանքը, ներառում է Վաշինգտոնի վարչակազմի բարձրաստիճան պաշտոնյաներին: Աշխատանքն իրականացվում է ոչ միայն մեր երկու երկրների դեսպանատների, այլև հեռախոսային շփումների միջոցով: Պահի լրջությունը ոչ ոք չի թերագնահատում»,- ասել է Ռյաբկովը «Ռոսիա-1» հեռուստաալիքի եթերում:
«Մենք չենք ցանկանում էսկալացիա, մենք ցանկանում ենք խուսափել մի իրավիճակից, երբ Միացյալ Նահանգները դառնա հակամարտության կողմ, բայց մենք մինչ այժմ մյուս կողմից պատրաստակամություն չենք տեսնում այդ նախազգուշացումներին իսկապես խորը և լրջորեն վերաբերվելու մասին»,- ասել է նա:
Ռուսաստանցի պաշտոնյայի խոսքով՝ Մոսկվան զգուշացրել է, որ «ԱՄՆ-ի ավելի ակնհայտ, ավելի խորը ներգրավվածությունը այն ամենին, ինչ տեղի է ունենում Ուկրաինայում, իրականում ԱՄՆ-ին կանգնեցնում է հակամարտության կողմի վերածվելու շեմին»։
Տաթև Ֆռանգյան
