16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Ուկրաինայի նախագահը և ՄԱԿ-ի գլխավոր քարտուղարը քննարկել են իրավիճակը Զապորոժիեի ԱԷԿ-ի շուրջ
Քաղաքականություն
18.08.2022 | 19:46
Ուկրաինայի նախագահ Վլադիմիր Զելենսկին հայտարարել է, որ ՄԱԿ-ի գլխավոր քարտուղար Անտոնիու Գուտերեշի հետ Լվովում տեղի ունեցած հանդիպման ընթացքում քննարկվել Զապորոժիեի ատոմակայանի շուրջ իրավիճակը և մթերային գործարքի համակարգման հարցը: Այս մասին հայտնում է «ՌԻԱ Նովոստի»-ն:
Ուկրաինայի նախագահը «Տելեգրամ»-ի իր ալիքում գրել է, որ Լվովում հանդիպում է ունեցել ՄԱԿ-ի գլխավոր քարտուղարի հետ և պայմանավորվել է շարունակել հացահատիկային նախաձեռնության իրագործման համակարգումը, նաև քննարկվել են դրա զարգացման հնարավոր ուղղությունները:
Ուկրաինայի նախագահի խոսքով՝ նաև քննարկվել է իրավիճակը Զապորոժիեի ատոմային էլեկտրակայանի շուրջ: Զելենսկին կոչ է արել Միավորված ազգերի կազմակերպությանը «ապահովել այդ ռազմավարական օբյեկտի անվտանգությունը»:
Նախորդ օրը՝ օգոստոսի 17-ին, լրատվամիջոցները հաղորդել էին, որ ՄԱԿ-ի գլխավոր քարտուղարը ժամանել է Ուկրաինայի Լվով քաղաք՝ Ուկրաինայի նախագահ Վլադիմիր Զելենսկու և Թուրքիայի նախագահ Ռեջեփ Էրդողանի հետ հանդիպելու նպատակով:
