06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
Ռուսական ինքնաթիռները խախտել են Ֆինլանդիայի և Բալթյան երկրների օդային տարածքը
Քաղաքականություն
18.08.2022 | 20:45
Հունգարական Gripen կործանիչները, որոնք ներկայում ՆԱՏՕ-ի առաքելության շրջանակում հսկում են Բալթյան երկրների օդային տարածքը, օգոստոսի 18-ի առավոտյան որսացել են ռուսական Իլ-76 ինքնաթիռը։ Այս մասին հայտնել է Հունգարիայի պաշտպանության նախարար Քրիստոֆ Շալայ-Բոբրովնիցկին, գրում է korrespondent-ը։
«Հունգարական կործանիչները վաղ առավոտյան օդ են բարձրացվել անհայտ ինքնաթիռի պատճառով, այնուհետև Gripen-ը, միջազգային ընթացակարգերի համաձայն, հաջողությամբ որսացել և հայտնաբերել է ռուսական Իլ-76 ինքնաթիռը, որը թռչում էր Բալթիկ ծովի վրայով դեպի հարավ»,- ասել է պաշտոնյան։
Նա հավելել է, որ ռուսական ինքնաթիռի հետապնդումից հետո Gripen-ը վերադարձել է Լիտվայի «Սիաուլայ» ավիաբազա։
Հունգարիայի ԶՈՒ զորակազմը՝ բաղկացած գրեթե 80 զինվորականից և չորս «Gripen» մարտական ինքնաթիռից, օգոստոսի 1-ից 4 ամսով ՆԱՏՕ-ի հովանու ներքո, Գերմանիայի, Չեխիայի և Իտալիայի հետ միասին, կիրականացնեն Բալթյան երկրների օդային տարածքի պաշտպանության խնդիրները։
Բացի այդ, երկու ռուսական ՄիԳ-31 կործանիչներ կասկածվում են օգոստոսի 18-ին Ֆինլանդիայի օդային տարածքը խախտելու մեջ՝ Պորվու քաղաքի մոտ, որը գտնվում է Ֆիննական ծոցի ափերի մոտ։ Խախտումը տեղի է ունեցել Գրինվիչի ժամանակով 06:40-ին, փոխանցում է Reuters-ը։
Տաթև Ֆռանգյան
