16.09.2026 | 18:10
Ալեն Սիմոնյանը՝ ռուսական ռազմաբազայի մասին // Նոր Սահմանադրության տեքստը մինչև տարեվերջ կհրապարակվի․ ԼՈՒՐԵՐ
ԵՀ-ն հաստատել է օգոստոսի վերջին Ռուսաստանի դեմ վիզային սահմանափակումները քննարկելու ծրագրերը
Քաղաքականություն
18.08.2022 | 22:06
Օգոստոսի 30-31-ը Պրահայում կայանալիք ոչ պաշտոնական հանդիպման ժամանակ ԵՄ անդամ պետությունների արտգործնախարարները կքննարկեն ռուսների համար կարճաժամկետ վիզաների տրամադրման սահմանափակումներ սահմանելու համակարգված մոտեցումը։ Տեղեկությունը հաստատել է Եվրահանձնաժողովի (ԵՀ) ներկայացուցիչ Անիտա Հիպերը։
Ավելի վաղ Բրյուսելում եվրոպական աղբյուրը ՏԱՍՍ-ին հայտնել էր, որ ԵՄ ԱԳ նախարարներն օգոստոսի 31-ին Պրահայում ոչ պաշտոնական հանդիպման ժամանակ կքննարկեն Շենգենյան վիզային օրենսգիրքը փոխելու կամ Ռուսաստանի բոլոր քաղաքացիների համար վիզաների տրամադրումը սահմանափակելու «կամավոր մեխանիզմ» ստեղծելու հնարավորությունը՝ բացառությամբ որոշ կատեգորիաների։
«Եվրահանձնաժողովը ձգտում է ապահովել ԵՄ երկրների համակարգված գործողություններն այս ոլորտում։ Օգոստոսի 30-31-ը Պրահայում տեղի կունենա ԵՄ ԱԳ նախարարների «Գիմնիչ» ոչ պաշտոնական հանդիպումը, և այս հանդիպման ընթացքում խոսակցությունը լինելու է նաև ԵՄ մեկնող ռուսների համար վիզաների մասին»,- ասել է Հիպերը Բրյուսելում կայացած ճեպազրույցում։
Տաթև Ֆռանգյան
