20.11.2024 | 18:42
Իսրայելը հարվածներ է հասցրել սիրիական Պալմիրային
ԱԻ նախարարը՝ Սուրմալուի անհետ կորածների, Քյարամյանը՝ ահաբեկչության և այլ վարկածների մասին․ Լուրեր
18.08.2022 | 13:15
- «Սուրմալու» առևտրի կենտրոնի պայթյունի վայրում որոնողափրկարարական աշխատանքները գիշերը դադարեցվել են՝ վտանգավորության պատճառով․ այդ հատվածում կա շինության փլուզման վտանգ։ Այսօր առավոտյան դրանք կրկին վերսկսվել են։ Որոնվում է երկու մարդ՝ Գագիկ Կարապետյանը և Վանիկ Ամիրխանյանը։
- ՀՀ ԱԻ նախարար Արմեն Փամբուխչյանը կառավարության նիստում ասել է, որ մոտեցել են պայթյունի էպիկենտրոնին։ Նա մինչ այդ վստահեցրել է, որ «Սուրմալու» առևտրի կենտրոնում տեղի ունեցած պայթյունից հետո որոնողափրկարարական աշխատանքների ժամանակ մարդկային ուժի, տեխնիկայի, մասնագիտական գիտելիքի պակաս չի եղել։
- Քննչական կոմիտեի նախագահ Արգիշտի Քյարամյանը կառավարության նիստի ժամանակ հայտարարել է, որ «Սուրմալու»-ում տեղի ունեցած պայթյունի գործով այս պահին առկա ապացույցներն ավելի շատ վկայում են անզգուշությամբ տեղի ունեցած հանցագործության վերաբերյալ: Նրա խոսքով՝ քրեական գործով չկա որևէ փաստական տվյալ, որը կվկայի ահաբեկչության կամ այլ որևէ դիտավորյալ հանցակազմի առկայության վերաբերյալ:
Այս ժամի լուրերը՝ տեսանյութում։
