16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
ԱՄՆ-ը և Եվրոպան Ուկրաինայի հարցով ՄԱԿ-ի Անվտանգության խորհրդի նիստ են պահանջում
Քաղաքականություն
18.08.2022 | 12:26
Միացյալ Նահանգները և եվրոպական երկրները խնդրել են օգոստոսի 24-ին Ուկրաինայի հարցով ՄԱԿ-ի Անվտանգության խորհրդի նիստ անցկացնել: Այս մասին հայտնում է ՏԱՍՍ-ը՝ հղում անելով իր աղբյուրներին։
Գործակալության զրուցակցի խոսքով՝ համապատասխան հարցում է ուղարկվել ՄԱԿ-ի Անվտանգության խորհրդի նախագահին։ Ակնկալվում է, որ հանդիպմանը, ի թիվս այլ հարցերի, կքննարկվեն ՄԱԿ-ի գլխավոր քարտուղար Անտոնիո Գուտերեշի Ուկրաինա կատարած այցի արդյունքները։
ՄԱԿ-ի ԱԽ նիստ անցկացնելու պահանջով դիմել են, մասնավորապես, ԱՄՆ-ը, Ալբանիան, Ֆրանսիան, Մեծ Բրիտանիան, Իռլանդիան և Նորվեգիան։
Վերջին անգամ ՄԱԿ-ի Անվտանգության խորհուրդը Ռուսաստանի նախաձեռնությամբ օգոստոսի 11-ին էր հավաքվել՝ Ուկրաինայում ստեղծված իրավիճակը քննարկելու համար։ Այն ժամանակ գլխավոր թեման Զապորոժիեի ԱԷԿ-ի շուրջ ստեղծված իրավիճակն էր։
Տաթև Ֆռանգյան
