26.11.2024 | 12:49
NYMEX. Թանկարժեք մետաղների գները նվազել են
Ռուսաստանը չի նախատեսում Ուկրաինայում մարտավարական միջուկային կամ քիմիական զենք կիրառել․ Շոյգու
Քաղաքականություն
16.08.2022 | 13:00
Ռուսաստանը չի նախատեսում Ուկրաինայում մարտավարական միջուկային կամ քիմիական զենք կիրառել, լրատվամիջոցներում նման ծրագրերի մասին տեղեկատվությունը կեղծիք է։ Այս մասին հայտարարել է ՌԴ պաշտպանության նախարար Սերգեյ Շոյգուն Միջազգային անվտանգության համաժողովում, գրում է ՌԲԿ-ն։
Նրա խոսքով՝ ԶԼՄ-ները «շահարկումներ են տարածում հատուկ ռազմական գործողության ընթացքում ռուսական մարտավարական միջուկային զենքի ենթադրյալ օգտագործման կամ քիմիական զենք օգտագործելու պատրաստակամության մասին»։
«Այս ամբողջ տեղեկատվական լցոնումները բացարձակ սուտ են»,- ասել է նա։
Ըստ Շոյգուի՝ ռազմական տեսանկյունից Ուկրաինայում միջուկային զենքի կիրառումն անհրաժեշտ չէ։
«Ռուսական միջուկային զենքի հիմնական նպատակը միջուկային հարձակումը զսպելն է», – ընդգծել է Շոյգուն՝ հավելելով, որ նման զենքի օգտագործումը սահմանափակվում է «արտակարգ իրավիճակներով, որոնք սահմանված են հանրության համար բաց ռուսական ուղեցույց փաստաթղթերում»։
Տաթև Ֆռանգյան
