06.11.2026 | 14:42
ԱՄՆ-ն ավելի քան 1,8 մլն դոլար է հատկացրել Հայաստանում 16 մշակութային ժառանգության պահպանության ծրագրերի․ ԼՈՒՍԱՆԿԱՐՆԵՐ
Չինաստանի բանակը զորավարժություններ է սկսել Թայվանի մոտ
Քաղաքականություն
15.08.2022 | 12:43
Չինաստանի Պաշտպանության նախարարությունը հայտնել է, որ երկրի բանակը զորավարժություններ և պարեկություն է անցկացրել Թայվանի շրջակայքում՝ ի պատասխան Թայբեյի և Վաշինգտոնի միջև պայմանավորվածության, գրում է ՌԻԱ Նովոստին։
Նախօրեին Թայվան էր ժամանել ԱՄՆ կոնգրեսականների պատվիրակությունը՝ սենատոր Էդ Մարկիի գլխավորությամբ։ Հաղորդվել է, որ նրանք Թայվանի բարձրաստիճան պաշտոնյաների հետ քննարկելու են ԱՄՆ-Թայվան հարաբերությունները, տարածաշրջանային անվտանգությունը, առևտուրն ու ներդրումները, համաշխարհային մատակարարման շղթաները, կլիմայի փոփոխությունը և այլ կարևոր հարցեր։
Այս ամենը միայն մեծացնում է լարվածությունը Թայվանի շուրջ, որն արդեն մեծացել է ԱՄՆ Ներկայացուցիչների պալատի նախագահ Նենսի Փելոսիի վերջերս կղզի կատարած այցի ֆոնին։
Չինաստանի պաշտպանական գերատեսչությունում ընդգծել են, որ ԱՄՆ կոնգրեսականների այցը կղզի խախտում է Չինաստանի ինքնիշխանությունն ու տարածքային ամբողջականությունը։ Պեկինը զգուշացնում է, որ Չինաստանին վերահսկելու համար Թայվանն օգտագործելը դատապարտված է ձախողման։
Տաթև Ֆռանգյան
