26.11.2024 | 10:37
Հզոր ցիկլոնի ներթափանցմամբ պայմանավորված՝ հանրապետության ողջ տարածքում սպասվում են տեղումներ
Իսրայելը հրթիռային հարվածներ է հասցրել Սիրիայում ռուսական ռազմաբազայի մոտակայքում. Reuters
Քաղաքականություն
15.08.2022 | 11:39
Իսրայելական զորքերը կիրակի մի շարք հրթիռային հարվածներ են հասցրել Սիրիայում իրանական ռազմական օբյեկտներին, հայտնում է Reuters-ը՝ հղում անելով սիրիական հետախուզության և բանակի աղբյուրներին:
Մի քանի հարված է հասցվել իրանական ռազմաբազային, ռադիոլոկացիոն կայանին և հակաօդային պաշտպանության կետին, որը գտնվում է Տարտուս նավահանգստի մոտ՝ Սիրիայում Ռուսաստանի ռազմածովային ուժերի գլխավոր բազայի մոտակայքում։
Իսրայելական այլ հարվածներ հասցվել են Դամասկոսի հյուսիսարևելյան արվարձաններին, որտեղ տեղակայված են իրանամետ արմատական «Հըզբոլլահ» խմբավորման զինյալները: Սիրիական բանակը հայտարարել է իսրայելական հարվածների հետևանքով երեք զոհի և երեք վիրավորի մասին։
Վերջին մի քանի տարիների ընթացքում Իսրայելը հարյուրավոր հարվածներ է հասցրել Սիրիայում այն թիրախներին, որոնք, նրա կարծիքով, կապված են Իրանի հետ: Մինչ այժմ, սակայն, իսրայելցիները խուսափում էին հարվածներ հասցնել Սիրիայում ռուսական հիմնական ռազմակայաններին, նշում է գործակալությունը։
Տաթև Ֆռանգյան
