15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Սերգեյ Սկրիպալը դուրս է գրվել հիվանդանոցից
Քաղաքականություն
18.05.2018 | 14:31
ՌԴ գլխավոր հետախուզական վարչության նախկին աշխատակից Սերգեյ Սկրիպալին դուրս են գրել հիվանդանոցից, տեղեկացնում է ria.ru-ն:
«Սկրիպալն իրեն բավական լավ էր զգում իրեն հիվանդանոցից դուրս գրվելու համար… Միջադեպի հետևանքով բոլոր տուժածների համար սա բարդ ժամանակահատված էր», – նշել է Սոլսբերիի շրջանային հիվանդանոցի տնօրեն Կառա Չառլզ-Բարքսը:
Հիշեցնենք, որ մարտի 5-ին Սոլսբերի քաղաքի ոստիկանությունը հաղորդել էր, որ քաղաքի առևտրի կենտրոններից մեկում անհայտ ծագման վտանգավոր նյութից անգիտակից վիճակում հիվանդանոց է տեղափոխվել երկու անձ։
Հետագայում պարզվել է, որ խոսքը Սկրիպալի և նրա դստեր մասին է: Նշենք նաև, որ Սկրիպալը Ռուսաստանում 2006 թվականին դատապարտվել էր Մեծ Բրիտանիայի օգտին լրտեսելու համար, իսկ 2010 թվականին ապաստան էր ստացել Մեծ Բրիտանիայում. նրան փոխանակել են ԱՄՆ-ում ձերբակալված ռուս գործակալների հետ:
