ԱԳՆ-ն հրաժարվում է տրամադրել խաղաղապահների գործունեության վերաբերյալ Մոսկվային արված առաջարկները

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Կառավարության օգոստոսի 4-ի նիստում վարչապետ Նիկոլ Փաշինյանը, անդրադառնալով Արցախում օգոստոսի սկզբին ադրբեջանական ուժերի հարձակմանը, հայտարարել է, թե Լեռնային Ղարաբաղում խաղաղապահների գործունեության մանրամասների ճշգրտումը խիստ անհրաժեշտ է դառնում։

«Սա անհրաժեշտ է եղել ի սկզբանե՝ Լեռնային Ղարաբաղում Ռուսաստանի Դաշնության խաղաղապահ զորախմբի տեղակայմանը զուգընթաց: Բայց պիտի խոստովանել, որ այս գործընթացին խոչընդոտել է Ադրբեջանը՝ հրաժարվելով ստորագրել Լեռնային Ղարաբաղում խաղաղապահ զորախմբի գործունեության մանդատը, մինչդեռ Հայաստանի Հանրապետությունը դա արել է հենց 2020 թվականի նոյեմբերին, և մենք ակնկալում ենք, որ երկկողմ ֆորմատով ստորագրված այդ մանդատը գործի իր ամբողջ ծավալով»,- նշել էր Փաշինյանը։

Նա հավաստիացրել էր, որ այդ հարցերի հետ կապված հայկական կողմը 2020-ի նոյեմբերի 9-ից «ջանքեր է գործադրել կոնկրետ լուծումների հասնելու համար»։

Հաջորդ օրը՝ օգոստոսի 5-ին, ՌԴ արտաքին գործերի նախարար Սերգեյ Լավրովը, ի պատասխան Փաշինյանի այս հայտարարության, հայտարարեց, թե Մոսկվան դեռ չի տեսել Հայաստանի վարչապետի առաջարկները՝ Արցախում ռուսական խաղաղապահ առաքելության մանրամասները հստակեցնելու հետ կապված։

«Մենք չենք տեսել կոնկրետ առաջարկներ, որոնք Հայաստանի վարչապետն ուզում է քննարկման դնել ԼՂ-ում ռուսական խաղաղապահ առաքելության մասով, դրա համար ես չեմ կարող այս պահին գուշակել»,- ասել է Լավրովը։

Լավրովին արձագանքեց Հայաստանի ԱԳՆ մամուլի խոսնակ Վահան Հունանյանը՝ նշելով, որ խաղաղապահ զորախմբի գործունեության արդյունավետության բարձրացման անհրաժեշտության և հետագայում հնարավոր խնդիրների առաջացման վերաբերյալ հայկական կողմի մտահոգությունները, ի թիվս այլ դեպքերի, դեռևս 2021 թվականի փետրվարին գրավոր կերպով փոխանցվել են ՌԴ բարձրագույն ղեկավարությանը։

«Փաստերի ստուգման հարթակը» հարցում ուղարկեց ԱԳ նախարարություն՝ խնդրելով տրամադրել խաղաղապահների մասով դեռևս նախորդ տարվա փետրվարին հայկական կողմի արված առաջարկները։

Ի պատասխան՝ ԱԳՆ-ն FIP.am-ին չի տրամադրել տեղեկություն առաջարկների բովանդակության մասով, ինչպես նաև չի պարզաբանել, թե ինչ հիմքով է հրաժարվում հրապարակել առաջարկները։

Փոխարենը, ԱԳՆ-ն առաջարկել է հիմք ընդունել վարչապետի օգոստոսի 4-ի և ԱԳ մամուլի քարտուղարի օգոստոսի 5-ի վերոհիշյալ հայտարարություններն ու հավելել, որ «այս պահին հրապարակման ենթակա հավելյալ տեղեկատվություն առկա չէ»։

ԱԳՆ մամուլի քարտուղար Վահան Հունանյանը FIP.am-ի հետ հեռախոսազրույցում նույնպես հրաժարվեց պատասխանել նշված հարցերին՝ ասելով, որ հավելյալ որևէ տեղեկություն չունի տրամադրելու։

Այսպիսով, պաշտոնական Մոսկվան պնդում է, թե Հայաստանից առաջարկներ չի ստացել, իսկ պաշտոնական Երևանը, ըստ էության, հերքում է դա՝ պնդելով, որ դեռևս 2021թ. փետրվարին այդ առաջարկները ներկայացվել են, միևնույն ժամանակ, հրաժարվում է հրապարակել որևէ տեղեկություն այդ առաջարկների բովանդակության վերաբերյալ։