16.09.2026 | 21:56
Հնդկաստանի նորանշանակ դեսպանը իր հավատարմագրերի պատճենն է հանձնել Հայաստանի ԱԳՄԱ նախարարի տեղակալին
Գերմանիան դադարեցրել է Բունդեսվերի առաքելությունը Մալիում
Քաղաքականություն
12.08.2022 | 17:52
Գերմանիան ավարտում է Բունդեսվերի առաքելությունը Մալիում՝ «մինչև հետագա ծանուցումը»։ Այս մասին հայտարարել է Գերմանիայի Պաշտպանության նախարարության պաշտոնական ներկայացուցիչը, գրում է DW-ի ռուսական ծառայությունը։
Այս որոշման պատճառը հյուսիսաֆրիկյան երկրի կառավարության հետ անհամաձայնությունն էր, մասնավորապես՝ նոր անձնակազմ տեղափոխելու համար թռիչքներ իրականացնելու իրավունքի հերթական մերժումը։ Այս իրավունքը չտրվեց՝ չնայած Մալիի կառավարության կողմից այդ մասին խոստմանը:
Մալիի ռազմական կառավարության գործողությունները խոչընդոտում են ՄԱԿ-ի առաքելության շրջանակում աշխատանքին, պարզաբանել են Գերմանիայի Պաշտպանության նախարարությունից։
«Նման պայմաններում կադրերի ծրագրված փոփոխությունն անհնար է, դա ազդում է մեր աշխատանքի վրա»,- ընդգծել է գերատեսչության ներկայացուցիչը՝ հավելելով, որ առաջնահերթություն է զինվորականների անվտանգությունը։
Գերմանիայի կառավարության խոսնակ Շտեֆեն Հեբեստրեյթն էլ պարզաբանել է, որ Բեռլինը դեռ պատրաստ է մասնակցել Մալիի առաքելությանը, սակայն որոշակի պայմաններ պետք է կատարվեն։
Տաթև Ֆռանգյան
