16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Դանիան 110 մլն եվրո կհատկացնի Ուկրաինային ռազմական օգնության համար
Քաղաքականություն
11.08.2022 | 19:26
Դանիան լրացուցիչ 110 մլն եվրո է հատկացնում Ուկրաինային ռազմական աջակցության համար։ Այս մասին այսօր Կոպենհագենում հայտարարել է Դանիայի վարչապետ Մատե Ֆրեդերիկսեն՝ ի պաշտպանություն Ուկրաինայի հյուսիս-եվրոպական դաշնակիցների համաժողովի բացման արարողությանը, գրում է korrespondent-ը։
«Ամեն օր ուկրաինացիները մեծ գին են վճարում Պուտինի անողոքության համար… Մենք զարմացած ենք Ուկրաինայի պաշտպանների և ժողովրդի հերոսության ու տոկունության վրա: Ձեր տոկունությունն անպարտելի է, բայց դուք չեք կարող ինքնուրույն դիմանալ այս անհավասար պատերազմին: Մենք բոլորս պետք է շարունակենք տրամադրել և մեծացնել Ուկրաինային աջակցությունը՝ զենքի, ուսուցման, ականազերծման, ֆինանսական առումով։ Եվ ես հուսով եմ, որ մենք այսօր կկարողանանք պայմանավորվել ավելի շատ ներդրումների շուրջ և, իհարկե, Դանիան պատրաստ է կատարել իր մասը։ Այսօր մենք կարող ենք հայտարարել 110 մլն եվրոյի նոր ներդրման մասին՝ զենքի, տեխնիկայի և ուսուցման համար»,- ընդգծել է դանիական կառավարության ղեկավարը։
Նա նշել է, որ ուկրաինական պատերազմը ոչ միայն տարածքների և սահմանների, այլ նաև համոզմունքների համար է՝ ժողովրդավարության և բռնակալության ու այն արժեքների, որոնց վրա հիմնված է Եվրոպան՝ ազատ աշխարհը։
Տաթև Ֆռանգյան
