16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Կիմ Չեն Ընը հանդիսավոր կերպով հայտարարել է Հյուսիսային Կորեայում «կորոնավիրուսի նկատմամբ հաղթանակի մասին»
Քաղաքականություն
11.08.2022 | 16:52
Հյուսիսային Կորեայի առաջնորդ Կիմ Չեն Ընը երկրում «հաղթանակ» է հայտարարել կորոնավիրուսի դեմ պայքարում և կարգադրել վերացնել մայիսին ներդրված հակահամաճարակային առավելագույն միջոցները։ Այս մասին հայտնել է Հյուսիսային Կորեայի պետական լրատվական գործակալությունը, գրում է DW-ի ռուսական ծառայությունը։
Աղբյուրի փոխանցմամբ՝ հակահամաճարակային միջոցառումների վերաբերյալ հանդիպման ժամանակ Կիմ Չեն Ընը «հանդիսավոր կերպով հայտարարեց հաղթանակի մասին արտակարգ հակահամաճարակային արշավում»՝ կոչ անելով ժողովրդին զգոն մնալ և սահմանամերձ շրջաններում հսկողության միջոցներ կիրառել՝ կապիկի ծաղիկի և COVID-19-ի այլ տարբերակների տարածման դեմ պայքարելու համար։
Մայիսի 12-ին Հյուսիսային Կորեան հաղորդել է երկրում «տենդի» առաջին դեպքի մասին, որը, օտարերկրյա փորձագետների կարծիքով, կորոնավիրուսային վարակ է: Մինչ այս, ամբողջ համաճարակի ընթացքում, Փհենյանը հիվանդության ոչ մի դեպքի մասին չի հայտարարել։
Պետական լրատվամիջոցների տվյալներով՝ ապրիլի վերջից ԿԺԴՀ-ում «տենդի» դեպքերի ընդհանուր թիվը գերազանցել է 4,8 միլիոնը, մահացել է 74 հիվանդ։
Տաթև Ֆռանգյան
