22.04.2026 | 10:17
Արտարժույթների փոխարժեքները՝ ապրիլի 22-ի դրությամբ
Ջո Բայդենն արձակուրդ է մեկնել
Քաղաքականություն
11.08.2022 | 10:45
ԱՄՆ նախագահ Ջո Բայդենն օգոստոսի 10-ին լքել է Վաշինգտոնը և ընտանիքի հետ մեկնել Հարավային Քարոլինա, որտեղ նախատեսում է անցկացնել առնվազն մեկ շաբաթ։ Այս մասին հայտնում է Reuters-ը։
Նշվում է, որ ամերիկացի առաջնորդը ծրագրում է մինչև օգոստոսի 16-ը մնալ Կիավա կղզում, որը հայտնի է մասնավոր լողափերով և գոլֆի հանգստավայրերով։
Նախագահն արձակուրդ է մեկնել կնոջ՝ Ջիլի, որդու՝ Հանթերի, նրա կնոջ՝ Մելիսա Քոենի և նրանց որդու՝ Բոյի ուղեկցությամբ։
Սպիտակ տունը չի նշել Բայդենի արձակուրդի ժամանակացույցը, պլանները կամ վերադարձի ամսաթիվը։
Հիշեցնենք, որ մինչ այդ ԱՄՆ նախագահը երկու շաբաթ կարանտինում էր՝ կորոնավիրուսի թեստի դրական արդյունքի պատճառով։ Բայդենը չէր կարողացել լիարժեք արձակուրդ վերցնել 2021 թվականին՝ Կոնգրեսի աշխատանքի, COVID-19-ի և Աֆղանստանից ամերիկյան զորքերի դուրսբերման պատճառով։
Տաթև Ֆռանգյան
