22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
ԱՄՆ-ը կարծում է, որ ռուսներն Իրանում անօդաչու թռչող սարքերի շահագործման ուսուցում են անցնում. CNN
Քաղաքականություն
10.08.2022 | 19:52
ԱՄՆ-ը կարծում է, որ ռուս պաշտոնյաները վերջին շաբաթներին սկսել են Իրանում անօդաչու թռչող սարքերի շահագործման ուսուցում անցնել, ինչն ազդանշան է, որ Ռուսաստանը մտադիր է դրանք գնել, քանի որ Ուկրաինայում պատերազմը շարունակվում է, գրում է CNN-ը։
«Վերջին մի քանի շաբաթվա ընթացքում ռուս պաշտոնյաներն Իրանում անցկացրել են վարժանքներ՝ որպես Իրանից Ռուսաստան անօդաչու թռչող սարքերի փոխանցման համաձայնագրի մաս»,- CNN-ին ասել է ամերիկացի մի պաշտոնյա։
Աղբյուրի փոխանցմամբ՝ վերապատրաստման մասին հետախուզությունը վերջերս գաղտնազերծվել է:
CNN-ը մեկնաբանությունների համար դիմել է Վաշինգտոնում ՌԴ դեսպանատուն։ Միաժամանակ, Կրեմլի խոսնակ Դմիտրի Պեսկովն անցյալ ամիս ասել էր, որ Ռուսաստանն «այդ հարցի վերաբերյալ մեկնաբանություններ չունի», երբ լրագրողները հարցրել էին անօդաչու սարքերի մասին։
Էմմա Չոբանյան
