16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Իլոն Մասկը վաճառել է Tesla-ի 8,5 միլիարդ դոլարի բաժնետոմսերը
Քաղաքականություն
10.08.2022 | 19:14
Աշխարհի ամենահարուստ միլիարդատերը՝ Իլոն Մասկը, երեք օրվա ընթացքում վաճառել է Tesla-ի շուրջ 9,6 միլիոն բաժնետոմս՝ 8,5 միլիարդ դոլար արժեքով՝ առանց հարկերի։ Այս մասին հայտնում է Forbes-ը՝ հղում անելով Արժեթղթերի և բորսաների հանձնաժողովի նյութերին։
Հինգշաբթի Մասկը վաճառել է 5,2 միլիոն բաժնետոմս՝ մեկ բաժնետոմսի դիմաց 823-903 դոլարով: Ընդհանուր առմամբ, վաճառքը Մասկին բերել է 4,5 միլիարդ դոլար: Հարկերից հետո եկամուտը կկազմի մոտավորապես 3,5 միլիարդ դոլար: Ավելի վաղ՝ երեքշաբթի և չորեքշաբթի, միլիարդատերը վաճառել էր ընկերության 4,4 միլիոն բաժնետոմսերը մոտ 4 միլիարդ դոլարով:
Մասկին գումար է պետք՝ Twitter-ի գործարքն ավարտին հասցնելու համար։ Ապրիլի 25-ին գործարարը համաձայնել է գնել միկրոբլոգը 44 միլիարդ դոլարով։ Գործարքի համար միլիարդատերը մի քանի բանկերից 25,5 միլիարդ դոլարի պարտք կվերցնի, ևս 21 միլիարդ դոլար կվճարի իր գրպանից։ Ինչպես նշում է Bloomberg-ը՝ դեռևս պարզ չէ, թե այս գումարից որքանը կստացվի Tesla-ում նրա բաժնետոմսերի մի մասի վաճառքից։
Տաթև Ֆռանգյան
