06.11.2024 | 20:18
Ադրբեջանի ռազմածովային ուժերը մարտավարական զորավարժություններ են անցկացրել
ԱՄՆ-ի խնդիրն է, որ Ուկրաինան հաջողությամբ պաշտպանի իր ինքնիշխան տարածքը․ Պենտագոնի ղեկավար
Քաղաքականություն
10.08.2022 | 17:09
ԱՄՆ-ն օգնում է Ուկրաինային «պահպանել իր ինքնիշխանությունը»՝ ելնելով Կիևի դիմումներից։ Այս մասին հայտարարել է ԱՄՆ պաշտպանության նախարար Լլոյդ Օսթինը Լատվիայի իր գործընկերոջ հետ Ռիգայում կայացած մամուլի ասուլիսում, գրում է ՏԱՍՍ-ը։
«Մենք չենք կռահում, թե ինչ է պետք, քանի որ ամեն շաբաթ, երբեմն՝ երկու անգամ ես հեռախոսային բանակցություններ եմ անցկացնում Ուկրաինայի ՊՆ ղեկավար պարոն Ռեզնիկովի հետ։ Մենք քննարկում ենք ռազմական գործողությունների ընթացքը, ինչ է պետք Կիևին հիմա և ինչ է պահանջվում մոտ ապագայում։ ԱՄՆ-ի խնդիրն է, որ Ուկրաինան հաջողությամբ պաշտպանի իր ինքնիշխան տարածքը»,- ասել է Օսթինը։
Նա հայտարարել է, որ Միացյալ Նահանգները և արևմտյան այլ երկրներ պատրաստ են Ուկրաինային տրամադրել այնքան օգնություն, որքան անհրաժեշտ է նրա ինքնիշխանությունը պաշտպանելու համար:
«ԱՄՆ-ը բավական բան է արել Ուկրաինայի անվտանգության ապահովման համար: Բայց մենք այն մի շարք երկրներից ենք՝ գրեթե 50 երկրներից, որոնք միասին աշխատում են միջոցներ հայթայթել և շարունակում են աջակցություն ցուցաբերել: Մենք հավատարիմ ենք Ուկրաինային օգնելու գաղափարին, պատրաստ ենք զինել նրան սարքավորումներով ու տեխնիկայով, որը թույլ կտա պահպանել նրանց տարածքի ինքնիշխանությունը։ Մեր ղեկավարությունն ասում է, որ մենք դրանով կզբաղվենք այնքան, ինչքան պետք է։ Եվ կրկին՝ ես խոսում եմ ոչ միայն ՆԱՏՕ-ի, այլև աշխարհի այլ մասերի երկրների պաշտպանության նախարարների հետ, նրանք նույն տեսակետն ունեն. նրանք հանձնառու են օգնել Ուկրաինային՝ հաջողության հասնել, այնքան ժամանակ, որքան դա կպահանջվի»,- ասել է Օսթինը։
Նա նշել է, որ իրենց մշտապես թարմ տեղեկատվություն է ներկայացվում, թե ինչ է պետք Կիևին և ինչ կարող են դրա համար անել։
Էմմա Չոբանյան
