08.05.2024 | 22:20
Հայաստանի և Կանադայի ԱԳ նախարարները քննարկել են տարածաշրջանային հարցեր
Ղրիմն ուկրաինական է, և մենք երբեք չենք հրաժարվի դրանից. Զելենսկի
Քաղաքականություն
10.08.2022 | 10:55
Ուկրաինայի և ամբողջ ազատ Եվրոպայի դեմ ռուսական պատերազմը սկսվել է Ղրիմով և պետք է ավարտվի Ղրիմով՝ նրա ազատագրմամբ։ Իր հերթական ուղերձում այս մասին հայտարարել է Ուկրաինայի նախագահ Վլադիմիր Զելենսկին, գրում է BBC-ի ռուսական ծառայությունը։
Այսօր անհնար է ասել, թե դա երբ կլինի, բայց Ուկրաինան անընդհատ ավելացնում է անհրաժեշտ բաղադրիչները «Ղրիմի ազատագրման բանաձևում», հավելել է նա։
«Ղրիմում ռուս օկուպանտների առկայությունը սպառնալիք է ամբողջ Եվրոպայի և համաշխարհային կայունության համար: Սև ծովի տարածաշրջանը չի կարող անվտանգ լինել, քանի դեռ Ղրիմն օկուպացված է»,- ասել է Զելենսկին:
«Ռուսաստանը մեր թերակղզին, որը միշտ եղել է և կմնա Եվրոպայի լավագույն վայրերից, վերածել է ամենավտանգավոր վայրերից մեկի։ Ռուսաստանը Ղրիմ բերեց զանգվածային ռեպրեսիաներ, բնապահպանական խնդիրներ, տնտեսական փակուղի և պատերազմ»,- հայտարարել է Զելենսկին։
Զելենսկու ելույթը հնչել է մի քանի ժամ անց այն բանից հետո, երբ բռնակցված Ղրիմում՝ ռուսական ավիաբազայում, որն օգտագործվել է ուկրաինական քաղաքներին հարվածելու համար, տեղի են ունեցել հզոր պայթյուններ:
Թեև ո՛չ Զելենսկին, ո՛չ ուկրաինացի այլ պաշտոնյաներ ուղղակիորեն չեն ընդունել տեղի ունեցածում Ուկրաինայի զինված ուժերի մասնակցությունը, շատ մեկնաբաններ ենթադրում են, որ պայթյունների շարքը և ռուսական «Սակի» ավիաբազայում բռնկված հրդեհը ուկրաինական հարվածի կամ դիվերսիայի արդյունք է։
Տաթև Ֆռանգյան
