26.11.2024 | 10:37
Հզոր ցիկլոնի ներթափանցմամբ պայմանավորված՝ հանրապետության ողջ տարածքում սպասվում են տեղումներ
Ուկրաինային հարյուրավոր HIMARS-ներ պետք չեն. Պենտագոն
Քաղաքականություն
09.08.2022 | 18:05
Ուկրաինան հարյուրավոր HIMARS համակարգեր մատակարարելու կարիք չունի, անհրաժեշտ է ապահովել դրանց համար զինամթերքի շարունակական մատակարարում։ Այս մասին հայտարարել է Պենտագոնի ղեկավարի տեղակալ Քոլին Քալը։
«Մենք ուղարկել ենք 16 միավոր HIMARS համակարգ, ինչն իրականում բավականին շատ է: Կրկի՛ն, դրանք այնպիսի համակարգեր չեն, որոնք, մեր գնահատմամբ, հարյուրավոր են անհրաժեշտ՝ ազդեցություն ունենալու համար: Դրանք ճշգրիտ ուղղորդման համակարգեր են շատ կոնկրետ տեսակի թիրախների համար, և ուկրաինացիներն օգտագործում են դրանք հենց այդպես»,- ասել է նա։
Պենտագոնի ներկայացուցիչը հիշեցրել է, որ Նիդեռլանդներն ու Գերմանիան պարտավորվել են Ուկրաինային տրամադրել HIMARS-ին նման համակարգեր՝ M270 և MARS II։
Քալը հաստատել է, որ ԱՄՆ-ի ռազմական օգնության նոր փաթեթով կմատակարարի GMLRS ճշգրիտ կառավարվող զինամթերք HIMARS-ի համար, որը խոցում է թիրախները 70 կմ հեռավորության վրա:
Տաթև Ֆռանգյան
