20.11.2024 | 18:19
Ռուսական ինքնաթիռից 250 կգ-անոց ռումբն ընկել է ՌԴ Բելգորոդի շրջանի դպրոցի վրա
Ուկրաինան դադարեցրել է ռուսական նավթի տարանցումը
Քաղաքականություն
09.08.2022 | 17:22
Ռուսական նավթի տարանցումն Ուկրաինայի տարածքով դադարեցվել է, հայտնում է «Տրանսնեֆտ»-ը։ Ռուսական ընկերությունը հիշեցնում է, որ «Դրուժբա» գազատարի ուկրաինական մասով մատակարարումները կատարվում են «Ուկրտրանսնաֆտա»-ի հետ 100 տոկոս կանխավճարի պայմաններով երկարաժամկետ պայմանագրի հիման վրա, փոխանցում է korrespondent-ը։
«Տրանսնեֆտ»-ը նշում է, որ օգոստոսին նավթի տարանցման համար հուլիսի 22-ին արված վճարման միջոցները ընկերության հաշվեհամարին են վերադարձվել հուլիսի 28-ին։
«Իրավիճակը բարդանում է նրանով, որ եվրոպական կարգավորիչները դեռևս միասնական դիրքորոշում չեն ձևավորել տարբեր իրավասությունների բանկերի գործողությունների ալգորիթմի վերաբերյալ և չեն մշակել այդ թույլտվությունների տրամադրման ընթացակարգ»,- ասվում է զեկույցում։
«Խնդիրը լուծելու համար «Տրանսնեֆտը» դիմում է ուղարկել լիազորված բանկ՝ տեղեկատվության հետագա փոխանցման համար եվրոպական կարգավորող մարմնին՝ «Ուկրտրանսնաֆտա» ԲԲԸ-ի հետ համաձայնագրով հաշվարկներ իրականացնելու թույլտվություն ստանալու համար, մշակվում են միջոցների այլընտրանքային հոսքի տարբերակներ։ Ամենօրյա խորհրդատվություններ և բանակցություններ են իրականացվում սպասարկող բանկերի հետ»,- ասել է գործակալության զրուցակիցը։
Ընկերությունը հավելել է, որ հենց «Ուկրտրանսնաֆտա»-ն է դադարեցրել նավթի տարանցումը վճարում ստանալու անկարողության պատճառով։
Միաժամանակ, շարունակվում է նավթի տարանցումը Բելառուսի տարածքով՝ Լեհաստանի և Գերմանիայի ուղղությամբ։
Տաթև Ֆռանգյան
