18.05.2026 | 17:55
Ռուսական ԱԹՍ-ները Սև ծովում հարձակվել են երեք բեռնատար նավերի վրա
Ուկրաինան ՌԴ-ին մեղադրում է երկրի ՊՆ ղեկավարի դեմ մահափորձ կազմակերպելու մեջ
Քաղաքականություն
08.08.2022 | 19:51
Ուկրաինայի Անվտանգության ծառայությունը հայտարարել է, որ Ռուսաստանի ԶՈՒ Գլխավոր հետախուզական վարչությունը Ուկրաինայի պաշտպանության նախարարի և հետախուզության գլխավոր վարչության ղեկավարի դեմ մահափորձ է նախապատրաստել։ Այս մասին գրում է BBC-ի ռուսական ծառայությունը։
Ուկրաինան պնդում է, որ խմբի կազմում ընդգրկվել է Լուգանսկի բնակիչ, որը կռվել է ուկրաինական զորքերի դեմ։ Այդ անձը պետք է գտներ վարձու մարդասպանի՝ պատվիրված սպանությունների համար։ Առաջարկին համաձայնել է Կիևի մի բնակիչ, որը 5000 դոլարի դիմաց համաձայնել է սպանել ուկրաինացի զինծառայողի, որը, իբր, մասնակից է եղել «ռուս ռազմագերիների ջարդին»։ Սա համարվել է թեստային առաջադրանք։
Երկու անձ ձերբակալվել է, նրանց մեղադրում են պետական դավաճանության մեջ։
ՌԴ-ն որևէ կերպ այս մեղադրանքները չի մեկնաբանել։
Էմմա Չոբանյան
