16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Պոդոլյակը՝ պատերազմի ավարտի իրական սցենարի մասին
Քաղաքականություն
08.08.2022 | 18:03
Պատերազմի իրական ավարտի ոչ մի սցենար արդյունավետ չէ՝ բացառությամբ Ռուսաստանի Դաշնության մարտավարական ռազմական պարտությունը, թեկուզ դա դժվար է և ռեսուրսատար։ Այս մասին հայտարարել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը, փոխանցում է Korrespondent-ը։
Նրա խոսքով՝ Ռուսաստանը հույսը դնում է այն բանի վրա, որ Արևմուտքը կհոգնի պատերազմից և խաղաղության համաձայնագիր կպահանջի՝ Ուկրաինայի կողմից տարածքային զիջումներով, սակայն «այսօր ցանկացած տարածքային զիջում անվերապահորեն հետագա ագրեսիայի խրախուսանք է»։
«Պատերազմի երկարաձգումը, տեղեկատվական հոգնածությունը, լարվածության նոր կետերը (Թայվան, Կոսովո, Աֆրիկա) ռուսների ավելի նուրբ տեղեկատվական աշխատանքն են՝ Ուկրաինային ցանկացած օգնությունը վարկաբեկելու համար, ինչպես նաև մեր զինված ուժերն ու հասարակությունը բարոյալքելու, խուճապ առաջացնելու կամ գոնե ավանդական ներքաղաքական աժիոտաժ արթնացնելու անվերջ փորձերը… Ամեն ինչ պարզ է, Ռուսաստանը ցանկանում է իրեն վերադարձնել համաշխարհային օրակարգ՝ որպես առաջնորդ, որը «ինչ-որ բան թելադրելու իրավունք ունի»։ Եվ աշխարհին առաջարկել «ժամանակավոր ավարտի» մի քանի տարբերակ»,- նշել է Պոդոլյակը։
Նա հավելել է, որ «ռուսները շարունակում են թափառել սեփական պատրանքների մթության մեջ»։ Պոդոլյակը հիշեցրել է, որ նրանք ձախողվել են կայծակնային պատերազմում։
Տաթև Ֆռանգյան
