16.09.2026 | 15:44
Դատախազությունը պահանջում է Ապարանի շուրջ 16 հա հողատարածքներ վերադարձնել համայնքին
Թայվանի զինված ուժերը զորավարժություններ կանցկացնեն՝ մարտական կրակով
Քաղաքականություն
08.08.2022 | 17:37
Թայվանի զինված ուժերը երեքշաբթի և հինգշաբթի զորավարժություններ կանցկացնեն կղզու հարավում՝ բանակի մարտունակությունը փորձարկելու համար։ Այս մասին հայտնում է Թայվանի Կենտրոնական լրատվական գործակալությունը (CNA)՝ հղում անելով բանակում սեփական աղբյուրներին:
«Օգոստոսի 9-ին և 11-ին ծանր հրետանային կրակահերթերի վարժանքներ կանցկացվեն Փինգթունգ շրջանի Ֆենգանգ ծովային նավահանգստի տարածքում»,- ասվում է զեկույցում:
Ըստ հաղորդագրության՝ վարժանքների շրջանակում, մասնավորապես, կրակոցներ կիրականացվեն 155 մմ-ոց հաուբիցներից և 120 մմ-ոց ականանետերից։ Գործակալությունը հայտնում է նաև, որ սեպտեմբերի 5-ին Փինգթունգ կոմսությունում նախատեսված է ամենամյա զորավարժություն, որում կներգրավվեն AH-64E Apache ուղղաթիռներ։
Չինաստանի Ժողովրդական ազատագրական բանակը (PLA) երկուշաբթի շարունակել է զորավարժությունները Թայվանի շրջակայքում՝ առաջնահերթություն տալով համատեղ հակասուզանավային և երկկենցաղ հարձակողական գործողություններին, ավելի վաղ հայտնել էր PLA-ի Արևելյան մարտական հրամանատարական գոտին:
Տաթև Ֆռանգյան
