06.11.2024 | 14:20
«Դոմոդեդովո»-ում ՀՀ քաղաքացի է ձերբակալվել, որին ռուսական կողմը «վարձկանության» մեջ է մեղադրում
Ճապոնական կործանիչները տագնապով օդ են բարձրացվել Չինաստանի անօդաչուների պատճառով
Քաղաքականություն
05.08.2022 | 19:50
Ճապոնական ինքնապաշտպանության ուժերի կործանիչները տագնապով օդ են բարձրացվել չինական երկու անօդաչու թռչող սարքերի պատճառով, որոնք թռչում էին Օկինավայի հարավում գտնվող Սակիսիմա կղզիների վրայով, հայտնում է Yomiuri թերթը:
ԱԹՍ-ներից մեկը եղել է հետախուզական, մյուսը՝ կամիկաձե։ Դրանք Արևելաչինական ծովի օդային տարածքից անցել են Խաղաղ օվկիանոս՝ շարժվելով դեպի Սակիսիմա կղզիներ։ Թեև դրանք կղզիների օդային տարածք չեն մտել, սակայն Ճապոնիայի օդային ինքնապաշտպանության ուժերի կործանիչները տագնապով օդ են բարձրացվել։
Երեկվանից Պեկինը Թայվանի հարակից շրջաններում լայնածավալ զորավարժությւոններ է սկսել, որոնք կտևեն մինչև կիրակի ժամը 12.00-ը։ Զորավարժությունների ընթացքում Ճապոնիայի բացառիկ տնտեսական գոտում 5 հրթիռ էր ընկել, ինչի առկթով Տոկիոն բողոքի նոտա էր հղել։
Տաթև Ֆռանգյան
