22.04.2026 | 10:17
Արտարժույթների փոխարժեքները՝ ապրիլի 22-ի դրությամբ
Մեր բանակցությունները նոր էջ կբացեն երկու երկրների հարաբերություններում․ Էրդողանը՝ Պուտինին
Քաղաքականություն
05.08.2022 | 17:31
Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ հանդիպմանը հայտարարել է, որ իրենք համագործակցության նոր էջ են բացելու, գրում է Ռիա Նովոստին։
«Հավատում եմ, որ մեր բանակցությունները նոր էջ են բացելու երկու երկրների հարաբերություններում։ Ես այդ շարքին եմ դասում էներգետիկ համագործակցության, Սև ծովում հացահատիկի արտահանման, զբոսաշրջության, տարածաշրջանային հարցերը»,-ասել Էրդողանը։
Նա նշել է, որ բանակցությունների քննարկման թեմաներից մեկը լինելու է Սիրիայի հարցը։ «Տարածաշրջանում ահաբեկչության դեմ պայքարը կարևոր է մեզ համար։ Այսօր աշխարհը հետևում է Սոչիի բանակցություններին»,- ասել է Էրդողանը։
Նա նաև նշել է, որ Մոսկվան ու Անկարան պետք է այնպես անեն, որ «Աքքույու» ատոմակայանի կառուցման աշխատանքները չհետաձգվեն։
««Աքքույուի» թեման կարևոր է, պետք է գործընթացը հասցնել որոշակի կետի, որոշակի որոշման, պետք է այնպես անել, որ գործընթացը չձգձգվի։ Կարևոր է, որ աշխատանքները ընթանան ու շարունակվեն համապատասխան ժամանակացույցով։ Հուսով եմ այդ թեմայով մեր բանակցությունները կլինեն շատ օգտակար»,-ասել է Թուրքիայի նախագահը։
Էմմա Չոբանյան
