16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՌԴ-ն և Թուրքիան քննարկել են տնտեսության առանցքային ոլորտներում համագործակցությունը
Քաղաքականություն
05.08.2022 | 13:25
ՌԴ փոխվարչապետ Ալեքսանդր Նովակն ու Թուրքիայի առևտրի նախարար Մեհմեթ Մուշը նախօրեին Թուրքիայում հանդիպում են անցկացրել՝ հայտնելով երկու երկրների համագործակցությունը տնտեսության առանցքային ճյուղերում ընդլայնելու մտադրության մասին։ Այս մասին տեղեկացնում է ՌԴ կառավարությունը, փոխանցում է Ինտերֆաքսը։
Մասնավորապես, նշվում է, որ կողմերը քննարկել են էներգետիկայի ոլորտում համագործակցությունը՝ «Թուրքական հոսք» և «Կապույտ հոսք» գազատարների աշխատանքը, ինչպես նաև «Աքքույու» ատոմակայանի կառուցումը։ Անդրադարձ է եղել նաև տրանսպորտային լոգիստիկայի, արդյունաբերության, գյուղատնտեսության և զբոսաշրջության խնդիրներին։
«Նշվել է, որ ՌԴ-ի և Թուրքիայի համագործակցությունը գտնվում է բարձր մակարդաի վրա և շարունակում է զարգանալ»,-ասվում է հայտարարության մեջ։
Նշենք, որ Մուշն ու Նովակը հանդիսանում են երկու երկրների միջկառավարական հանձնաժողովի համանախագահները։
Հիշեցնենք նաև, որ այսօր Թուրքիայի նախագահ Ռեջեփ Թայիփ Էրդողանը մեկնում է Սոչի՝ ՌԴ նախագահ Վլադիմիր Պուտինի հետ բանակցությունների։
Էմմա Չոբանյան
